Talibanët kanë nisur një sulm të madh në një nga qytetet më të mëdha të Afganistanit, Kunduz, mes betejave intensive të shtunën.

Sulmi kompleks erdhi ndërsa Shtetet e Bashkuara dhe Talibanët vazhduan të kërkojnë një marrëveshje në Katar që do të shohë që mijëra trupa amerikane largohen nga Afganistani në këmbim të garancive të sigurisë, transmeton portali arbresh.info.

Zyrtarët thanë që sulmi filloi rreth orës 01:00 të mëngjesit kur luftëtarët talibanë synuan qytetin nga disa drejtime.

Zëdhënësi i talibanëve Zabihullah Mujahid tha se sulmi rezultoi në kapjen e disa ndërtesave të rëndësishme.

“Talibanët sulmuan qytetin Kunduz nga disa drejtime këtë mëngjes. Ne jemi në qytet tani duke kapur ndërtesat qeveritare njëra pas tjetrës,” u tha ai gazetarëve.

“Deri më tani, tetë luftëtarë talibanë janë vrarë në lindje dhe perëndim të Kunduz”, tha Sayed Sarwar Hussaini, zëdhënësi i policisë Kunduz, për agjencinë e lajmeve AFP.

“Luftimet po vazhdojnë. Forcat komando kanë mbërritur dhe po përpiqen të zmbrapsin sulmet e talibanëve”./arbresh.info/